ការសិក្សាអំពីសុខភាពអនាម័យកុមារីពេលពេញវ័យ

នៅថ្ងៃទី ២០ ខែ មិថុនា ឆ្នាំ ២០២៣ អ្នកគ្រូពេទ្យប្រចាំសាលា​ អ្នកគ្រូ ហ៊ុល ស្រីរ័ត្ន បានបង្រៀនពីការថែទាំសុខភាពនិងអនាម័យសម្រាប់កុមារីពេលពេញវ័យ ដល់សិស្សស្រីដែលរៀនថ្នាក់ទី ៤ ដល់ទី៦។ អ្នកគ្រូបានបង្រៀនពីការប្រែប្រួលរបស់ក្មេងស្រី និង ផ្ដល់ដំបូន្មានល្អដល់ការថែទាំសុខភាពរបស់ពួកគេពេលពេញវ័យ។ សិស្សស្រីទាំង ៣ កម្រិតថ្នាក់បានយកចិត្តទុកដាក់ស្ដាប់ការណែនាំរបស់អ្នកគ្រូពេទ្យ និង សួរសំណួរជាច្រើនបន្ទាប់ពីការបង្រៀនរបស់អ្នកគ្រូ។ ជាចុងបញ្ចប់ អ្នកគ្រូក៏បានណែនាំឱ្យពួកគេ រក្សាអនាម័យជាប្រចាំ និង មិនត្រូវមានភាពខ្មាសអៀនទេ នៅពេលដែលពួកគេមានបញ្ហាសុខភាពពេលពេញវ័យ។