ការប្រជុំបូកសរុបលទ្ធផលឆមាសទី១

នៅថ្ងៃទី ៣-៤ ខែសីហា ឆ្នាំ ២០២៣ គណៈគ្រប់គ្រងសាលាបឋមសិក្សាអនុវត្តន៍ហ៊ុនសែន និង លោកគ្រូ អ្នកគ្រូទាំងអស់បានចូលរួមប្រជុំបូកសរុបលទ្ធផលឆមាសទី១។ នៅក្នុងថ្ងៃទី១ ការប្រជុំនេះផ្ដោតសំខាន់លើសកម្មភាពនិងលទ្ធផលដែលលោកគ្រូ អ្នកគ្រូបានធ្វើនិងទទួលបានក្នុងរយៈពេល ៧ ខែកន្លងមក។ ក្នុងការប្រជុំនេះផងដែរ លោកគ្រូ អ្នកគ្រូបានពិភាក្សានិងកំណត់ផែនការបន្ដ ដើម្បីជំរុញដល់ការសិក្សារបស់សិស្សប្រកបទៅដោយប្រសិទ្ធភាពនិងភាពសកម្មគ្រប់កម្រិតថ្នាក់។ នៅថ្ងៃចុងក្រោយ យើងក៏បានត្រួតពិនិត្យចំណុចវិនិច្ឆ័យសាលារៀនជំនាន់ថ្មីនៅឆ្នាំចាស់ឡើងវិញ ដើម្បីត្រៀមខ្លួនក្នុងការវាយតម្លៃក្នុងឆ្នាំសិក្សាថ្មីនេះ។