សកម្មភាពធ្វើពលកម្មសម្អាតបរិស្ថានសាលារៀន

នៅថ្ងៃទី ១៦ ខែ មិថុនា ឆ្នាំ ២០២៣ សិស្សានុសិស្សទាំងអស់បានចូលរួមធ្វើពលកម្ម ដើម្បីសម្អាតបរិស្ថានជុំវិញសាលារៀន និង ថ្នាក់រៀនរបស់ពួកគេ។​ មុននឹងចាប់ផ្ដើមសកម្មភាព ប្លង់សម្អាតត្រូវបានបែងចែកតាមថ្នាក់ ហើយសិស្សានុសិស្សបានធ្វើការសម្អាតដោយ ដកស្មៅ និង កាប់ព្រៃដែលជម្រកមូស។ យើងសង្កេតឃើញថា សិស្សានុសិស្សបានសហការគ្នាជួយសម្អាតបានល្អ ធ្វើឱ្យបរិស្ថានរបស់យើងស្អាត និង មានផាសុកភាព។

តាមរយៈសកម្មភាពនេះ សិស្សានុសិស្សរៀនសម្អាត និង កែលម្អបរិស្ថានដែលនៅជុំវិញពួកគេ មិនថានៅសាលា ឬ នៅផ្ទះ។ ការរស់នៅប្រកបដោយអនាម័យនឹង ធ្វើឱ្យពួកគេក្លាយជាក្មេងដែលមានសុខភាព និង ទម្លាប់ល្អ។