ការបណ្ដុះបណ្ដាលស្ដីពីរបៀបប្រើប្រាស់ប្រព័ន្ធរំឭកទុកជាមុន (EWS)

នៅថ្ងៃទី ៧ ខែ កក្កដា ឆ្នាំ ២០២៣ លោកគ្រូ អ្នកគ្រូ បានចូលរួមការបណ្ដុះបណ្ដាលរបៀបប្រើប្រាស់ប្រព័ន្ធរំឭកទុកជាមុន (EWS) ដែលត្រូវបានបង្រៀនដោយអ្នកគ្រូ ឈីន បូណាវត្តី និង អ្នកគ្រូ ប៊ុន លក្ខិណា ដោយមានការសម្របសម្រួលដោយលោក ម៉ៃ សុឃា បុគ្គលិកផ្នែក ICT របស់អង្គការ KAPE។ ក្នុងការបណ្ដុះបណ្ដាលនេះផងដែរ លោកគ្រូ អ្នកគ្រូ បានស្វែងយល់ពីសារៈប្រយោជន៍របស់ EWS និង របៀបនៃការប្រើប្រាស់ប្រព័ន្ធនេះដែលមាន ដូចជា ការស្រង់វត្តមាន ការបញ្ចូលពិន្ទុ ការដាក់កាលវិភាគ និង ការកត់ត្រាឥរិយាបថរបស់សិស្ស។ បន្ទាប់ពីបណ្ដុះបណ្ដាលរួច លោកគ្រូ អ្នកគ្រូ បានជជែកគ្នាថា ប្រព័ន្ធរំឭកទុកជាមុននេះ ពិតជាជួយការងារគ្រប់គ្រងរបស់សាលា ដូចជាគ្រប់គ្រងគ្រូបង្រៀន និង សិស្សបានល្អ។